Энэ сарын 10-нд нисэх онгоцны ослоор амь үрэгдсэн, Польшийн төрийн тэргүүн агсан Лех Качиньскигийн ихэр Ярослав Качиньскиг “Хууль ба Шударга ёс” намаас Ерөнхийлөгчийн сонгуульд нэр дэвшүүлжээ.

АНУ-аас Афганистанд явуулсан терроризмтэй тэмцэх ажиллагааны үеэр баривчлагдаж,  Гуантанамогийн шоронд хоригдож байсан гурван хоригдлыг Гүрж улс хүлээн авсан тухай АНУ-ын Төрийн нарийн бичгийн даргын хэвлэл мэдээлэл, олон нийтийн асуудал хариуцсан туслах Филип Кроули хэвлэлийн бага хурал дээр мэдэгджээ.

Кембрижийн их сургуулийн профессор Кристофер Эндрюгийн бичсэн Британийн аюулаас хамгаалах МИ-5 албаны өнөөдрийн байдлаар эхнийх бөгөөд цорын ганц албан ёсны түүхэнд анх удаа ил болсон хоёр мянга гаруй материал, түүний дотор Их Британид ажиллаж байсан зөвлөлтийн тагнуулчдын урьд нийтлэгдээгүй гэрэл зураг оржээ.

Орос, АНУ-ын Гадаад бодлогын байгууллагын тэргүүн Сергей Лавров, Хиллари Клинтон нар аравдугаар сарын 13-нд Москвад уулзаж, стратегийн давшилтын зэвсэглэлийн тухай гэрээний оронд байгуулах шинэ гэрээний асуудлаар хийсэн хэлэлцээний дүнг ярилцах юм.

Ням гарагт болсон Грекийн парламентын сонгуульд Жорж Папандреоугийн тэргүүлсэн Грекийн социалист хөдөлгөөн /ГСХ/ ялжээ.