Ольмерт: Иран цөмийн хөтөлбөрөө зогсоох ёстой

Хэрвээ Иран цөмийн зэвсэг бүтээх хөтөлбөрөө үргэлжлүүлсэн хэвээр байвал үүнээс гарах хор хохирол нь өөрт нь тусахыг Тегеран харах болно гэж Израилийн Ерөнхий сайд Эхуд Ольмерт мэдэгдэв.

Тиймээс "бүх боломжит аргаар" Тегеран цөмийн хөтөлбөрөө зогсоох хэрэгтэй гэж тэрээр өчигдөр хэлжээ. "Ираны аюул заналыг боломжтой бүх аргаар хойшлуулалгүй зогсоох хэрэгтэй " гэж Вашингтонд айлчлах үеэрээ Ольмерт мэдэгджээ.

"Цөмийн зэвсэг бүтээсээр байгаагийн хор хохиролыг өөрөө амсана гэдгийг Иранд ойлгуулах, тэдэнд үүрэг хариуцлагыг ухамсарлуулах, цөмийн хөтөлбөрөө зогсоох хүртэл дэлхий олон нийт шийдвэртэйгээр тэмцэх ёстой" гэж тэрээр нэмж хэлжээ.

Э.Төгсжаргал