Америкийн 3.5 мянган цэрэг Иракаас гарна

Ойрын долоо хоногуудад Америкийн 3,5 мянган цэргийн албан хаагч эх орондоо буцна.
Өчигдөр Багдад хотод АНУ-ын армийн бригадын генерал Дэн Аллины хэлснээр, Иракаас гарах гэж байгаа цэргүүд нь суннитын дайчдын эсрэг тэмцэх зорилгоор өнгөрсөн оны зун энэ оронд нэмж оруулсан таван бригадын нэгэнд алба хааж байгаа ажээ. Эдгээр бригадын бие бүрэлдэхүүний нийт тоо 30 мянга юм.

Иракт хүчирхийлэл нэлээд багассанаар энэ оронд байгаа Америкийн цэргийн тоог зарим талаар цөөрүүлэх боломжтой болсон юм гэж генерал хэлсэн байна. Бас хоёр бригад долоодугаар сарын сүүлч гэхэд Иракаас гарч явна гэж тэр дурджээ.

Дараа нь АНУ-ын командлал Иракт АНУ-ын цэрэг байрлуулах цаашдын төлөвлөгөөг тодорхойлохын тулд "завсарлага" авах юм

Я.Сүхбаатар