Хүчтэй шуурга боллоо

Булган аймгийн Хишиг-Өндөр суманд өчигдөр 16 цаг 27 минутын орчим 28 м/сек хүчтэй шороон шуурга болсон байна. Арав гаруй минут үргэлжилсэн шуурганы улмаас сумын ЗДТГ, хүн эмнэлгийн нэгдүгээр корпусын төмөр дээвэр гол нуруутайгаа хуурч, цахилгааны 12 шугам, сумаас 18 км зайд байдаг 35-ын гэж нэрлэдэг цахилгааны шон унаж шатжээ.

Мөн Соёлын төв, сургууль, дотуур байр, цэцэрлэг, халуун ус, агуулах зэрэг нэлээд хэдэн албан газрын болон айл өрхийн байшингийн дээвэр хуурч, цонх хагарч гэмтсэн байна.

Онцгой байдлын хэлтсийн өнөө өглөө сумаас авсан мэдээгээр хохирлын хэмжээ хараахан гараагүй, унасан шонгуудаа засварлаж одоогоор сумын төв гэрэл цахилгаантай байгаа гэлээ.

Д.Нарантуул
МОНЦАМЭ