Архины үйлдвэрээс архи гаргаж байгаад баригдлаа

Замын цагдаагийн газрын хажууханд өчигдөр “Монгол стандарт” компанийн борлуулагч Г, савлагч Х нар ундааны савтай архи авч явж байгаад баригдлаа. Тус хэргийг ЗЦГ-ын хошууч А.Энхболд илрүүлсэн байна. Хэрэгтэн нар эхлээд хэргээ хүлээхгүй хашаан дотор нь санамсаргүй хэвтэж байсан мэтээр тайлбарлаж байсан ч замын цагдаагийнхан шуурхай ажиллаж баримтаар нотолжээ. Энэ талаар сэжигтэн Х-гээс зарим нэг зүйлийг тодрууллаа.

- Хаанаас архи авсан юм бэ?

- Суудлын ард байсан архийг авсан.

- Танай компани архи үйлдвэрлэсэн хэвээр байгаа юм уу?

- Үгүй, архи үйлдвэрлэхээ зогсоосон. Оны өмнө хийсэн юм.

- Энэ талаар удирдлага чинь мэдэж байсан уу?

- Мэдээгүй, найзтайгаа нууцаар аваад гарч ирсэн.

Тус хэргийг Сүхбаатар дүүргийн архидан согтуурахтай тэмцэх тасаг шалгаж байна.

Д.Цэцэг