Intel-ийн ээлжит хямдрал

Intel өнгөрсөн долоо хоногт 1333 MHz түгээгүүрийн давтамж бүхий шинэ Core 2 процессоруудаа хэрэглэгчдэд хүргэсэн. Тэгвэл өчигдөр энэ жилийн хамгийн супер хямдралыг Intel зарлаж өөрийн бүтээгдэхүүнээрээ хэрэглэгчдэдээ бэлэг бариж байна.

Өмнө өгүүлж байснаар энэ удаагийн хямдралын хамгийн их сонирхол татам процессорын тоонд дөрвөлсөн цөмт Core 2 Quad Q6600 зүй ёсоор орно. 

Intel Core 2 Quad
Загвар	Цөмийн давтамж	L2 кэш	FSB	Хямдарсан үнэ
QX6800	2.93 GHz	8MB	1066 MHz	$999
Q6700	2.66 GHz	8MB	1066 MHz	$530
Q6600	2.40 GHz	8MB	1066 MHz	$266

Одоогийн зах зээл дээрх хамгийн хямд дөрвөлсөн цөмт процессор болох Core 2 Quad Q6600 нь видео болон 3 хэмжээст график ажил нухдаг хэрэглэгчдийн хувьд тун оновчтой худалдан авалт болох нь дамжиггүй. Оверлокер, гэймерүүдийн хувьд ч хүртэл 3 GHz хүртэл нь "шахчихаад" сууж байхад үнэмлэхүй хүчин чадал бүхий системтэй болох боломж хүртэл бий.

ClubIT, Mwave, Newegg, ZipZoomFly зэрэг жижиглэн худалдаалагчдын хувьд Core 2 Quad Q6600 процессорыг доод тал нь $275, түүнээс дээш $300-ын хоороэд худалдаалж байна. Томоохон худалдаалагч болох Newegg аль хэдийн Core 2 Quad Q6600 процессороо зараад дуусгачихсан аж.

Intel Core 2 Duo
Загвар	Цөмийн давтамж	L2 кэш	FSB	Хямдарсан үнэ
E4500	2.20 GHz	2MB	800 MHz	$133
E4400	2.00 GHz	2MB	800 MHz	$113

Мөн хос цөмт Core 2 Duo E4000-загварууд энэ удаа мөн хямдарлаа. Intel Core 2 Duo E4400 процессор $20-оор хямдарч $113 болсон бол түүний орыг Core 2 Duo E4500 гэсэн шинэ загвар эзэллээ. Интэрнэтэд өмнө бичсэнээр Core 2 Duo E4500 процессор нь М0 степпингтэй бөгөөд ердөө 35 Вт цахилгаан зарцуулалттай байж болзошгүй. Хэрэв тийм бол энэхүү шинэ процессорын оверклокын чадвар хэр эсэх нь "улаан" оверклокчдын сонирхлын төвд мөн байна.

T.T.S,
Сyber World