Түншлэлийн байгууллагууд хөрөнгө өгнө

Боловсролын салбарыг 2015 он хүртэл хөгжүүлэх мастер төлөвлөгөөг Засгийн газар батлаад буй. Төлөвлөсөн зүйлүүд биелэгдэх баталгаа нь хөрөнгө бөгөөд шаардагдах мөнгийг олон улсын түншлэлийн байгууллагууд өгч буй аж.

Тэд буцалтгүй тусламж болгон 29,5 сая ам. доллар хандивлахаар болжээ. Энэ тухай баримт бичигт Дэлхийн банк, Азийн хөгжлийн банк зэрэг томоохон санхүүгийн байгууллагууд энэ сарын 15-нд гарын үсэг зурна.

Хөрөнгийг чухам юунд, ямар хэмжээгээр, ямар үе шаттайгаар зарцуулах тухай жагсаалтыг ч мөн үеэр гаргасан байх аж. Тухайлбал, ерөнхий боловсролын сургалтын хугацааг уртасгаж  буйтай холбоотойгоор зургаан настай сурагчдад тохиромжтой ширээ, сандал, мөн сургуулийн дотуур байрны зөөлөн эдлэл хэрэгсэл бэлтгэхэд багагүй хувийг зарах аж.