Кармен дуурийг 400 оюутан үнэгүй үзлээ

ДБЭТ өнгөрөгч амралтын өдөр хөл хөдөлгөөн ихтэй байлаа. Учир нь Их Монгол улс байгуулагдсаны 800 жилийн ойд зориулж Ж.Бизегийн “Кармен ” дуурь тоглосон юм. Дэлхийд алддартай энэ дуурийг Монголын уран бүтээлчид хэрхэн амилуулсныг гадаад, дотоодын үзэгчид үзсэн.

Кармений дүрд А.Долгор тоглосон бөгөөд энэ үеэр оюутан залуус, хүүхдүүд дуурийн дүрүүдээр сэдэвлэн уран зураг зурж үзэгчдэд дэлгэсэн нь тоглолтыг улам сонирхолтой болгов.

Мөн Монгол, Францын төвөөс франц хэл үздэг 400 гаруй оюутан, сурагчдбг үнэ төлбөрггүй дуурийг үзүүллээ. Монголд франц хэл судладаг 800 гаруй хүүхэд, залуус байдаг аж.

Цаашид тус төвийнхөн Их Монгол улс байгуулагдсаны 800 жилийн ойд зориулж дундад зууны үеийн хөгжмийн цөөхүүлийн тоглолтыг сонирхуулахаар төлөвлөөд байна.